جماعة، يا خاوتي، يا ولاد بلادي، يا احفاد الشهداء...................والله غير راني حاير في الجزائريين اللي راهم قاعدين طول النهار قدام لوتيل انتاع اللاعبين ويشوشو عليهم ....علاش ما يخليوهمش يركزو ....انا ما فهمتش ضركا تصويرة مع لاعب خير من نتيجة مليحة في المونديال ولا كيفاه....علاش هذه الانانية علاش ما يخموش على البلاد ولعلام ...وتصاور يجي وقتها...انشاء الله كي يتالقوا لاعبينا في المونديال ويحترفوا في اندية اكبر بكثير
وزيد بزيادة على هذا الناس اللي فارغين شغل مايرفدوش تصويرة ولا زوج انتاع لا عبينا بعد الاعتداءات ويكتبوا لافتة ولا زوج ويروحو يقعدوا قدام مقر الفيفا ويحتجوا سلميا وبطريقة حضارية على تاخر العقوبات وعن الاخبار التي تتكلم على انها ستكون مخففة جدا والله غير تجيب نتيجة وتشوف قع القنوات يتكلموا عليها ومنها حقنا مايروحش وزاهر وجماعة الفتنة يخلصوا ...هكذا باش ماندموش غدوة...لا خاطر بقى نهار واحد برك ويعلنوا العقوبات وراني خايف تكون العقوبة غرامة انتاع زوج دورو ودمنا والسب يروح باطل
والله غير ندمو تدم شديد وتكون هذه العقوبات الخفيفة ضربة كف في وجوهنا وما نلومو غير نفوسنا...لاخاطر الاعتداءات انتاع القاهرة جاءت خدعة ولكن تخفيف العقوبات على بالنا بيها قبل بلللي راح يصرا تواطؤ وما تكونش عادلة وما درنا والو ....والله وقفة سلمية حصارية انتاع 4 ولا 5 من الناس قدام المقر انتاع الفيفا لمدة 3ساعات برك ستكون ورقة ضغط رهيبة على بلاتر ونفضحو التواطؤ
تعيشوا اللي يقدر يبلغ خاوتنا في سويسرا يبلغهم بقى غير نهار غدوة
تحيا الجزائر والمجد والخلود لشهدائنا الابرار
